貼近年輕文化

葉念琛近年嘅電影評價雖然好壞參半，不過佢依然保持住每年推出新片。雖然葉念琛嘅電影被唔少觀眾指不斷重覆，但無可否認佢嘅電影睇準咗現時市場嘅空隙，呢類貼近本地年輕人文化嘅愛情小品，不乏棒場客。自羅仲謙同周秀娜激情演出嘅《婚前試愛》之後，葉念琛嘅「純愛」電影早已脫離當初方力申配鄧麗欣嗰種青澀模式。今次起用久未喺大銀幕上演出嘅張智林，唔再講外遇，剖析下港女心理，某程度上都可以為觀眾猜嚟新鮮感嘅。