【电影】16002[1.8]《次世代机动警察：首都决战》

加完班返到屋企食个面冲个凉，剩低寥寥个几钟先到训教时间，果断拣咗部快餐电影嚟杀时间。应该讲，原本我係对呢部电影有些小期待嘅，既冲住机动警察嘅经典，希冀多年冇见嘅日本机器人特摄技术可以有长足嘅进步，同时更相信海报上大书嘅“押井守”三个字应该係质量嘅保证，可惜结果还係意料之中嘅垃圾。

呢部虽然叫电影，但佢明显係真人TV版嘅番外篇，所有问题都交代得唔清唔楚，如果我唔係尚有些许动画常识，真係唔知佢讲乜。话就话机动警察，但大机器人出场嘅画面加晒起身都唔够5分钟，2部英格拉姆都係一出场就立即战损，而对手竟然係一部加强版阿帕奇武装直升机。电影用咗绝大部分嘅篇幅讲呢部直升机几劲，无论係陆自定驻日美军，通通唔係佢对手！就凭一部直升机，炸完公安炸政府无人可挡，夸张都有个限度啊。还有电影至终都冇话俾观众知最终BOSS究竟係乜来头，都唔知导演想点。

电影唯一嘅惊喜係动画版中嘅主角泉野明，唔係话呢个角色演得有几好，而係由佢认识咗Hello Project嘅真野惠里菜，虽然活生生被后藤喜一逼成咗路人级配角，但仅有嘅几个镜头都足够令我注意倒佢，肉嘟嘟嘅娃娃脸超级可爱，完全就係最得人中意嘅嘎妹类型啊！

押井大湿，你还係安心返去拍好你嘅“攻壳”啦，都一把年纪了就无谓搞臭几十年积攒低嘅英名啦。

烂片，毫无观瞻价值，再睇多一眼真野酱就立马删除。