这不是影评。

哪！讲明啊，我系写粤语Style嘅，唔中意，请跳走~
哪！哪！再讲一次，呢篇唔系影评，只係一个写得比较长嘅回复，我都净系分享下D意见咋，所以你绝对可以click“无用”
哪！哪！哪！我唔系想闹交架，净系觉得写得甘长，分享下咋~

以下只係小弟对某位看剧高手评语的小小回复，难得写得甘长，就Post下系度啦~内容可能同《选战》开场一样有旁白，“内容可能涉及不雅用语，敬请留意。”

———————— 无聊《警界线》———————————————

你都几好笑，做咩拿《天与地》D甘好睇嘅神剧黎比?
又唔见你比TVB近年出过D屎剧黎比？

其实香港之前都冇一部选特首甘嘅剧，所以都冇可比性。讲抄袭，仲讲得过去，你可以唔中意呢部剧，但系讲到TVB演员演得比佢地强，就真系好好笑囖~
姆同我讲你冇见过TVB果D不知所谓演技嘅演员，TVB大有人在。

再加上，部剧甘多演员都黎自TVB，唔通全部演技通通退晒步咩？留系TVB就演技神级变好？哈哈，你系咪净系睇过《天与地》啊？

既然你甘中意睇TVB geh戏，你咪继续睇到够啦，冇人阻止你，记住啊，《选战》睇一集就好停啦，费事你集集闹啦，等阵人地以为你傻架~甘憎呢部剧又写甘多感触写黎“分享”~你知啦，呢部戏颜色甘暗，唔係甘啱D睇惯光猛剧嘅观众睇，唔知点解，我又觉得几有Feel啦，各花入各眼囖~又冇人揸住支抢叫你睇？甘辛苦做咩嚄?哦....我知啦，你一定系TVB D无间道黎嘅...专登帮TVB过黎写衰部剧嘅~ 係咪？讲，係咪？

所以话，身为观众，人地拍剧目的除左赚钱咪就系娱乐下大众囖，讲野讲到好似自己好识嘢甘，你唸住你杜琪峰咩？做过有水准D嘅观众，唔中意就讲“唔系甘啱自己口味，都系中意TVB D剧多D”咪好囖~如果想俾多D意见咪建议下“颜色可以唔驶甘暗，演员本身演技仲有进步嘅空间”，想再专业D，就分享下D example黎俾大家学下嘢，我见识都唔多架，我几想学多几招啊~如果俾你拍，你会点拍啊？分享多D角度，人地先会觉得，你真係比较客观D，唔驶踩低人地抬高自己心头好，先至显得自己有主见嘅~係咪？

so far部剧我又唔系几觉有睇唔清啦，係咪你非法下载D翻版啊？

其实，我真心觉得部剧，真系有水准geh，边度烂得过TVB果D，我都讲唔太出黎，好过边D TVB剧，我应该可以讲出十几二十部，所以，我只可以讲，系楼主面前，我只系一粒蚁，只是小弟品味太差，就系觉得部剧好好，集集好期待，唔知点算~

Anyway,我就肤浅惯，冇咩心想Improve到TVB D水准，他日如果仲有《天与地》、《心战》，《My盛Lady》呢D剧，都一定会中肯地说声 ------- 好。

p/s:-楼上某君，如果觉得粤语好难听，就唔好为难自己啦~香港人，就系讲粤语geh~ 点？