臨時劫案

早輪因為睇完《潛行》差啲嘔咗半地血，已經對合拍片多少都有啲驚(雖然都冇乜期待)。再加上係愛奇藝投資，所以更加慌(因為上次畀《邊緣行者》跣咗鑊杰嘅)。但係呢套最後睇完都平安無事出到個戲院。

今次城城可謂犧牲最大，直接偷撚咗星爺喺《回魂夜》入面個哨牙，飾演咗個有情有義又好有禮貌嘅悍匪，再加埋霉過梅蘭芳嘅兩個老死笠水(林家棟)同埋慕容輝(任賢齊)，講真火花就真係唔多(直頭致敬埋杜sir嘅招牌企位添)，算係叫做睇得唔尷尬啦。反而幾鐘意成個故事嘅框架，算係幾有脈絡地去講完一個故事(再加上導演加咗唔少黑色幽默入去)，睇得好過癮又唔係，叫做多咗啲趣味咁啦。仲加埋導演唔知係咪專登定有心去笑鳩班差佬，直接寫到佢哋有咁廢得咁廢，真係夠晒諷刺。

一句到尾，睇咗唔會有金執，唔睇亦都冇損失，多謝！！

綜合評分：6/10