驕陽歲月

好地地個片名，你班天才為咗賣多兩個錢改到九唔搭八，攪到小弟眼花花差啲睇成「別叫我“啫神”」啊DLGH！早幾年王三日嘅「賭城風雲」已經消費咗三集賭神，今次可以加多一集，由此可見中國人真係好撚爛賭，就連我今次買飛入場都好似喺度買緊大細咁啊！

講返齣戲，都係啲鹹豐年前嘅老土苦情戲碼，成個故事走向直頭連99歲嘅阿婆都估到，發哥今次唔做賭神做食神，亂9咁食嘢食撚到個ex有咗，生咗個有自閉症嘅仔都不單止，仲要剋9死埋個老婆，最後搞到兩仔爺相依為命，你話係咪衰到貼地啊！再埋幾場嘅煽情大戲最後直頭變撚咗「阿郎的故事」，如果大家想睇演技回晒塘嘅發哥再做多次阿郎嘅話，都不妨一睇，如果係想睇發哥做賭神嘅話，就可以慳返你嘅時間，好好利用你寶貴嘅時間過大海賭多兩手啦～

綜合評分：6.5/10