一路瞳行

其實好多港產片入嚟內地都會起個好撚on9嘅名，呢次都唔例外，叫《我的非凡父母》，人哋個原名係《一路瞳行》，話到明係一家人一齊行㗎嘛，入到嚟內地點解齋係讚個老豆老母，直頭係歪曲人哋個原意啦屌你！(睇完發覺個女係最偉大嘅)

香港版海報

齣戲話到明係導演嘅真實經歷改編，呢啲關注弱勢群體嘅題材確係一個賣點嚟嘅，不過喺呢度邊個群體都弱勢㗎啦。成個古仔用咗好多零碎嘅小事去堆砌，不過似乎個效果並唔係咁好，單從劇本嚟講，可以話係撐唔起身，太多對白寫得太例牌，得返幾幕戲靠惠英紅同吳岱融嘅演技拉返啲分數，不過都冇咩驚喜，反而吳千語比之前嘅表現係有進步。如果話要同其他同類型電影嚟比較，呢齣就真係好一般，拍攝技巧都冇咩可取之處，單單靠啲老戲骨係唔可以拍到好電影嘅，我諗導演更需要枝“盲公竹”囉。最後都冇交待阿欣有冇搵到佢自己嘅“豉油”，睇怕已經喺超級市場買咗了啩，呵呵～

喺戲院可以睇到唔係盲嘅演員好努力去演活一個盲人畀你哋班唔係盲嘅人睇，你哋執撚到啦！

綜合評分：6/10