反派怪兽老公寻妻记，最后哥师奶棒打鸳鸯

今晚多谢强佬请客[鼓掌]，下次到我补翻～
呢部新版《哥师奶》经过我重新回忆，剧情好简单，就系“反派怪兽老公寻妻记，最后哥师奶棒打鸳鸯”。具体如下，略重口味且严重剧透，慎点！
角色：哥师奶(哥斯拉)、穆氏夫妇(反派六脚蝙蝠怪兽，叫穆拓)
话说某次事件之后，身处日本嘅穆先生(雄性穆托)一夜惊醒，对身处美国嘅穆太太(雌性穆托)无比思念。于是乎，穆先生不辞劳苦，决定横穿太平洋，踏上漫长嘅寻妻之路。
途中，穆先生为咗准备畀太太嘅见面礼物，横扫半个夏威夷，准备抢走美帝大兵嘅核弹。
就喺呢个时侯，因为穆先生嘅行为太过张扬，太过扰民，住喺楼下(几万呎深海底)嘅哥师奶实在忍唔住，决心要好好教训佢。但可能因为当时哥师奶啱啱瞓醒，睡意未过，穆先生两下散手就撇甩咗佢，带埋嗰支“玫瑰花”(核弹)[玫瑰]继续向东而行。
另一边厢，身处美国嘅穆太太可能感受到老公无尽嘅思念之情，同时亦因为佢想迫不及待要让老公知道自己有咗BB呢件喜事，于是扫荡半个拉斯维加斯，一路向西，准备投入老公怀抱。
如同牛郎织女一年一次相见于喜鹊桥一样，穆先生同穆太太终于喺美国加州海岸附近重聚[爱情]。穆先生亲手将礼物——玫瑰花般美丽嘅核弹——送畀穆太太:“亲爱的，我好挂住你～～呢枝玫瑰花送畀你[玫瑰][玫瑰]！”穆太太无比感动[流泪]。正当两位年轻夫妇准备享受甜蜜嘅二人世界嘅时侯，悲剧降临。哥师奶又从楼下出现！原来佢一直跟踪穆先生嚟到美国。哥师奶发誓，唔好好教训呢对扰民夫妇就唔姓哥！于是棒打鸳鸯。最后夫妇二人双双毙命，丧于师奶口下。美国佬有救
最后少少点评，新版嘅主题依然系对核辐射危机嘅控诉。人类想要战胜自然系冇可能，而要令大自然得到平衡，只有大自然自身先可以做到。
整个故事节奏总算可以，最后大战场气势做足。但系个人觉得前面铺垫太长，交代太多无谓嘅事。穆氏夫妇出镜率比哥师奶重要多，有啲喧宾夺主。
最后，师奶真系好萌，尤其系对眼[憨笑]，充满善意～～