各种好演员，高质轻喜剧

老老实实，呢套剧绝对係惊喜！

首先係角色塑造到位，各有特色。

其次演员个个演技在线：

李佳芯演得有几好就唔需要多讲，表情自然唔造作，完全融入角色；

陈自瑶终于拥有一个有观众缘嘅角色，等大家真正见识到佢演技一流；

马德钟继续定海神针嘅出色发挥，令人感叹TVB拥有佢係几咁幸运（或者迟下拥有埋佢个仔）；

新生代吴伟豪喺一班前辈面前，表现亦毫不逊色，开始慢慢搣走《爱回家》嗰朕除；

然后要感激埋一班实力派老演员：欧瑞伟、曹永廉、徐荣、赵希洛、杨卓娜、张国强，你哋继续奉献专业嘅演技。

最后要赞埋呢套剧嘅主题曲：连诗雅《好男人》。首歌质量绝对超越一般嘅剧歌，轻快嘅旋律骤耳听落冇咩嘢，实际上颇为难唱，并唔係人人可以唱得好听。而且仔细听就会发现，Shiga对呢首歌嘅旋律同歌词都食得好透，技巧同感情都同时兼顾到，绝对係越听越好听嗰种。