2019.04.12 欢乐满人间2(粤语白话文)

移植微信朋友圈影评至豆瓣，写于2019年4月22日:

今晚 周五晚，

照常两个细路嘅Movie Night 电影之夜

但係，地点从自己屋企转移到

阿仔小学Victoria，学校请睇集体电影，就喺体育馆入面，大家担凳仔，带枕头，着睡衣打地铺来睇，以前细个就觉得哩种感觉好正[可怜]，咁多阿仔认识嘅人一齐睇电影

我哋连懒人沙发都搬埋来。[偷笑]大家都订披萨来食，同时筹钱庆祝八年级嘅哥哥姐姐毕业。

电影 係 欢乐满人间2 2018年圣诞上映嘅电影，之前二月份喺电影院仲睇到未落画。今次电影原来係由有财又有才嘅迪士尼重制嘅1964年版欢乐满人间音乐剧电影。

讲真，个人认为，电影就一般般喇，好多角度我都觉得比较过时。D细路基本都睇唔入，都係追来追去，纯粹来玩，同排队买零食。都係剩低大人喺度睇。故事讲嘅係1910年嘅伦敦，第一部电影係54年后先出，第二部係2018年，第二个54年后再出[捂脸]，即係隔咗108年。电影效果係由2D，3D动画组成，技术就好先进噶喇，但我自己觉得睇唔太入，可能就因为音乐剧电影哩个风格呱。或者其他家长睇得入？距哋嘅情怀片？迟D要同Karen交流下

以前第一次睇音乐电影係07，08年左右喺华师上嘅电影选修课，睇咗部 音乐剧电影，雨中曲，觉得真係好唔错。宜家再睇翻哩一类，唔知係米印度片睇多咗，觉得D人一跳舞，印度片嘅歌舞画面就浮现[捂脸]

总嘅来讲，合家欢主题，一部有爱嘅电影，一间有爱嘅学校，令到我哋度过一个有爱嘅晚上[爱心][爱心][爱心]